Regionlarda “Gənclərin yeni nəsil peşələrə yönləndirilməsi” layihəsi həyata keçirilir

Turanmedia.az xəbər verir ki, Azərbaycan Gənclər Fondunun maliyyə dəstəyi ilə “İdeal Gələcək” İctimai Birliyinin təşkilatçılığı ilə regionlarda gənclərin yeni nəsil peşələrə yönləndirilməsi layihəsi start verilib.

Layihə çərçivəsində Gəncə, Lənkəran şəhəri və Xaçmaz rayonunda yaşayan gənclər elektron ticarət platformalarından düzgün istifadə etməyin yolları haqqında biliklər əldə edir, bu platformalar vasitəsilə gəlir əldə etməyin yollarını öyrənir, marketinq siyasətinin düzgün qurulmasını mənimsəyir həmçinin digər rəqəmsal alətlərin düzgün istifadə etməyin sirrlərini öyrənirlər. Bu layihənin regionlarda keçirilməsinin əsas məqsədi məhz region gənclərin iş tapmaq, məşğulluqlarını təmin etmək üçün yaşadıqları şəhər və rayonları tərk etmədən rəqəmsal platformalar üzərindən öz bizneslərinin qurulmasına dəstək göstərmək və rəqmsal alətlərdən düzgün istifadənin təbliği məqsədini daşıyır. Layihə 29-30 Mart tarixində Lənkəran şəhərində, 1-2 Aprel tarixlərində isə Gəncə şəhərində keçirilmişdir. Ümumilikdə layihədə 100-ə yaxın region gəncinin iştirakı nəzərdə tutulmuşdur.