DYP Bakıda tanınmış blogerin düşdüyü yol qəzasının görüntülərini yayıb
Baş Dövlət Yol Polisi İdarəsi (BDYPİ) Bakıda tanınmış blogerin düşdüyü yol qəzasının görüntülərini yayıb.
Turanmedia.az Tns.az-a istinadən xəbər verir ki, görüntülərdə paytaxtın Heydər Əliyev prospektində bloger Nicat Şakirlinin idarə etdiyi “Porsche” markalı avtomobilin hərəkətdə olan yük maşınına çırpıldığı əks olunub.
Qeyd edək ki, gecə saatlarında Heydər Əliyev prospektində ağır yol qəzası baş verib. İdarəetməni itirən “Porsche” markalı avtomobilin sürücüsü nəqliyyat vasitəsini yük maşınına çırpıb. Minik avtomobilini “Nikosayağı” kimi tanınan bloger Nicat Şakirli idarə edib. O və avtomobildə olan digər sərnişin ağır xəsarətlər alaraq xəstəxanaya çatdırılıb.
TƏBİB-dən bildirilib ki, hadisə nəticəsində xəsarət alan vətəndaş Şakirli Nicat (29 yaş) sağ yuxarı ətrafın dirsəkdən amputasiyası diaqnozu ilə, Rüstəmov Fəxri (23 yaş) sağ əlin kəsilmiş yarası diaqnozu ilə TƏBİB-in tabeliyindəki tibb müəssisələrinə təxliyə olunublar. Qəza nəticəsində 1 həkimə qədər ölüm qeydə alınıb.
Digər xəbərlər
Azərbaycanda 7 fevral 2024-cü ildə baş tutan prezident seçkilərinə ABŞ-ın mövqeyi bu dəfə daha Ətraflı...
Qadcetlərdən gələn göy və ya mavi işıq dərinin qocalmasını sürətləndirir. Bu barədə rusiyalı kosmetoloq Ətraflı...
2 Fevral – Azərbaycan Gəncləri Günü ölkəmizdə xüsusi sevinclə qeyd edilir. Bu tarixi günün təsis Ətraflı...