AzTV Xocavənd terroruna görə yayım siyasətini dəyişdi

AzTV Xocavənddə baş vermiş hadisə ilə əlaqədar yayım siyasətində dəyişiklik edib.

Turanmedia.az olke.az-a istinadən xəbər verir ki, bu barədə televiziya bəynat yayıb.

“Hörmətli tamaşaçılar, Xocavənddə baş vermiş hadisə ilə əlaqədar “Azərbaycan Televiziya və Radio Verilişləri” QSC həftəlik proqram siyasətində dəyişiklik edir”, -deyə məlumatda bildirilib.

Qeyd edək ki, sentyabrın 19-u DİN-in əməkdaşlarının olduğu “Kamaz” markalı nəqliyyat vasitəsi həmin gün Əhmədbəyli-Füzuli-Şuşa yolunun Xocavənd rayonundan keçən 58-ci kilometrliyində Azərbaycan Avtomobil Yolları Dövlət Agentliyi əməkdaşlarının öldürülməsi ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partlamış, törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olublar.

Terror aktı ilə bağlı cinayət işi başlanılıb.