Britaniya Muzeyi məşhur Roma imperatorunu qadın kimi tanıdı

Böyük Britaniyanın Hitçin şəhərindəki Şimali Hertfordşir Muzeyi məşhur Roma İmperatoru Helioqabalusu qadın kimi tanıyıb.

Turanmedia.az olke.az-a istinadən xəbər verir ki, bu barədə “Time” jurnalı məlumat yayıb.

Britaniya muzey işçiləri Roma tarixçisi və konsul Dio Kassiusun mətnlərini öyrəndikdən sonra imperatoru “o” adlandırmağa qərar verdiklərini bildiriblər.

Kassiusun dediyinə görə, 218-222-ci illərdə hökmranlıq edən imperator bir dəfə deyib: “Mənə ustad deməyin, çünki mən xanımam”.

Muzeyin İdarə Heyətinin üzvü Keyt Hoskins qərarın həm tarixi, həm də müasir insanlar tərəfindən əvəzliklərin istifadəsinə olan həssaslığından irəli gəldiyini deyib:

“Biz bilirik ki, Helioqabalus qadın kimi müəyyən edilib və hansı əvəzliklərdən istifadə edəcəyini dəqiq bilirdi ki, bu da əvəzliklərin yeni bir şey olmadığını göstərir”.

Bununla belə, bəzi ekspertlər Kassiusa etibar etməyin mümkün olub-olmadığına şübhə edirlər.

Kembric Universitetinin klassiklər professoru Şuşma Malik deyib: “Makiyaj, parik və bədəndəki tüklərin silinməsinə istinadlar qeyri-populyar imperatorun nüfuzunu sarsıtmaq üçün təqdim edilib”.(Qaynarinfo)