“Sabahın alimləri” XIII Respublika müsabiqəsinin şagirdləri Mingəçevir Dövlət Universitetində

Turanmedia.az xəbər verir ki, “Sabahın alimləri” XIII Respublika müsabiqəsinin növbəti mərhələsinə yüksələn Mingəçevir şəhər ümumtəhsil məktəblərinin IX-XI sinif şagirdləri Mingəçevir Dövlət Universitetinin (MDU) alimləri ilə görüşüblər.

Mərkəzi Aran Regional Təhsil İdarəsinin Mingəçevir şəhəri üzrə Təhsil sektoru ilə birlikdə keçirilən tədbirin əsas məqsədi kreativ ideyaları olan şagirdlərə MDU alimlərinin elmi mentorluq dəstəyinin davam etdirilməsi olub.

MDU-nun Kibertəhlükəsizlik, Ekologiya və Kimya laboratoriyalarında baş tutan görüşlərdə faydalı müzakirələr aparılıb, layihələrin hazırlanması üçün konkret addımlar razılaşdırılıb.

Yerləşdiyimiz regionun təhsil müəssisələri ilə MDU arasında qarşılıqlı faydalı əməkdaşlığın gücləndirilməsi prioritetlərimiz sırasındadır.

MDU yeni dövrün universitetinə çevrilir!