Gömrükçülər külli miqdarda pirotexniki vasitələr aşkarlayıb – VİDEO
![](https://turanmedia.az/wp-content/uploads/2020/12/gomrukculer-kulli-miqdarda-pirotexniki-vasiteler-askarlayib-video-20201207124012.jpg)
Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında külli miqdarda pirotexniki vasitənin qanunsuz yolla ölkə ərazisinə gətirilməsinin qarşısı alınıb.
Bu barədə Dövlət Gömrük Komitəsi məlumat yayıb.
Bildirilib ki, idarənin “Qırmızı Körpü” gömrük postunda Gürcüstandan ölkəmizə şabalıd yükü gətirən Azərbaycan Respublikası vətəndaşının idarə etdiyi “Renault” markalı, 90 UN 576 dövlət nömrə nişanlı yük nəqliyyat vasitəsi saxlanılıb və sürücü şifahi sorğu-sual edilib. Sorğu-sual zamanı sürücü idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.
Gömrük baxışı zamanı nəqliyyat vasitəsinin yük yerində olan şabalıd yükünün içərisində müxtəlif markalı pirotexniki vasitələr – 264228 ədəd petarda və 4281 ədəd fişəng aşkarlanıb.
Faktla bağlı araşdırma aparılır.
Məlumat oxu.az saytından götürülmüşdür.