Qubada karantin rejimini pozanlar cərimə olundular

Quba rayonunda karantin rejimini pozan şəxslər cərimə olunublar.

Bununla bağlı Daxili işlər Nazirliyinin Mətbuat Xidmətinin Quba regional qrupu məlumat yayıb.

Bildirilib ki, Quba Rayon Polis Şöbəsinin əməkdaşları tərəfindən karantin rejimi qaydalarının təmin olunması istiqamətində tədbirlər davam etdirilir. 

Şöbə əməkdaşları inzibati ərazilərində xidmət aparan zaman rayon ərazisində karantin rejiminə əməl etməyərək, fəaliyyət göstərən kafe aşkarlayıblar.

Dərhal obyektin fəaliyyəti dayandırılıb, sahibi Müseyib Ələkbərov və orada olan doqquz nəfər şəxs saxlanılaraq polis şöbəsinə gətiriliblər. 

Həmin şəxslər barəsində inzibati qaydada tədbirlər görülüb və təyin olunmuş qaydalara riayət etmələri barədə profilaktik söhbətlər aparılıb.

---

Məlumat oxu.az saytından götürülmüşdür.