Yaşayış yerlərini tərk edən 55 aktiv COVID-19 xəstəsi müəyyən olundu

Dekabrın 12-də və 13-də polis və Daxili Qoşunların hərbi qulluqçuları tərəfindən respublika ərazisində ictimai yerlərdə yaşayış yerlərini tərk edən 55 aktiv COVID-19 xəstəsi müəyyən olunaraq saxlanılıb.

Bu barədə Daxili işlər Nazirliyi məlumat verib.

Tibbi qaydalar gözlənilməklə onlardan 54 nəfər evinə qaytarılıb, 34 nəfər barəsində isə cinayət işi başlanılıb. 

Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə istintaq araşdırmaları davam etdirilir.

---

Məlumat oxu.az saytından götürülmüşdür.