Bakıda taxta emalı sexi yanıb

Bakı şəhəri Binəqədi rayonunda yanğın qeydə alınıb.

Fövqəladə Hallar Nazirliyindən verilən məlumata görə, rayonun M.Ə Rəsulzadə qəsəbəsində taxta emalı sexində yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi əraziyə cəlb olunub. Həyata keçirilən təcili və təxirəsalınmaz tədbirlər nəticəsində yanğının yayılmasının qarşısı alınıb.

Yanğın Fövqəladə Hallar Nazirliyinin müvafiq qüvvələri tərəfindən söndürülüb.

---

Məlumat oxu.az saytından götürülmüşdür.