Balıq ovu qaydasını pozan şəxslər barədə AÇIQLAMA

“2020-ci il ərzində 130-a yaxın şəxs balıq ovu qaydalarını pozduğu üçün saxlanılıb”.

Oxu.Az-ın müxbirinin verdiyi məlumata görə, bunu Ekologiya və Təbii Sərvətlər Nazirliyinin rəsmi “Facebook” səhifəsində “Ekspert saatı” verilişinin canlı yayımında nazirliyin Dövlət Ekoloji Təhlükəsizlik Xidmətinin rəisi Hikmət Əlizadə bildirib.

Onun sözlərinə görə, bu dövrdə 64 min 500 metr sintetik torlar onlardan götürülərək məhv edilib: 

“Məsələ ilə bağlı 100 min manatdan çox iddia, cərimə tipli sanksiyalar tətbiq edilib”.

“İşlərin bəziləri cinayət əsaslı olduğu üçün hüquq mühafizə orqanlarına göndərilib. Bu işlər davam edəcək”, – deyə o qeyd edib.

İlhamə Əbülfət

---

Məlumat oxu.az saytından götürülmüşdür.