Şamaxıda oğurluq edən şəxsdə həm də narkotik vasitə aşkarlandı

Şamaxı Rayon Polis Şöbəsinə məhdud məsuliyyətli cəmiyyətlərin (MMC) birinə məxsus elektrik naqillərinin rayonun Əngərxan kəndi ərazisindən oğurlanması barədə müraciət daxil olub.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, daxil olmuş müraciət əsasında keçirilmiş əməliyyat-istintaq tədbirləri nəticəsində oğurluq hadisəsini törətməkdə şübhəli bilinən Şamaxı şəhər sakini Vüqar Həsənov saxlanılıb. Onun yaşadığı ünvana baxış keçirilən zaman oğurladığı naqillər və iki ədəd şüşə qabda ümumi çəkisi 31 qram olan narkotik vasitə – qurudulmuş marixuana aşkar olunaraq maddi sübut kimi götürülüb.

Faktla bağlı Şamaxı Rayon Polis Şöbəsində Cinayət Məcəlləsinin müvafiq maddələri ilə cinayət işi başlanılıb.

---

Məlumat oxu.az saytından götürülmüşdür.