Nazirlik rəsmisi sinifdəki bütün şagidlərin dərslərə qoşulmamasından DANIŞDI

Təhsil Nazirliyinin təhsildə məzmun, tədris və qiymətləndirmə şöbəsinin müdiri Vəfa Yaqublu “Virtual məktəb” layihəsindən qeydiyyatdan keçən şagirdlərin çoxunun gündəlik dərslərə qoşulmaması məsələsinə aydınlıq gətirib.

O, jurnalistlərə açıqlamasında deyib ki, bütün bu məsələlər məktəb səviyyəsində həll olunur:

“Məktəb direktoru, direktor müavini, sinif rəhbəri bu uşaqlarla iş aparmalı, məsələni aydınlaşdırmalıdılar ki, həmin şagirdlər nə üçün dərsə qoşulmurlar. Şagirdlərə biliyinə görə qiymət verilir, davranışına görə yox. Davranış dəyər məsələsidir, məktəbin apardığı siyasətdən, formalaşdırma qabiliyyətindən asılıdır”.

“Sinifdən-sinfə keçmək üçün yeganə meyar isə şagirdin qiymətidir”, -deyə V. Yaqublu əlavə edib.

İlhamə Əbülfət

---

Məlumat oxu.az saytından götürülmüşdür.