Türkiyədən dəvət olunmuş mütəxəssislərlə təlimlərə başlanıldı – VİDEO

Vətən müharibəsi ilə bağlı psixoloji problemlər yaşayan qazilərimizin, şəhid ailələrinin üzvlərinin, erməni terrorundan zərər görmüş insanların psixoloji reabilitasiyasının daha səmərəli təşkili məqsədilə Fövqəladə Hallar Nazirliyinin dəvəti ilə Türkiyədən bir qrup peşəkar klinik-psixoloq və psixoterapevt ölkəmizdə səfərdədir.

Nazirlikdən bildirilib ki, səfər çərçivəsində Fövqəladə Hallar Nazirliyinin psixoloqları və Türkiyədən dəvət olunmuş mütəxəssislər arasında təcrübə mübadiləsi aparılır.

Həmçinin, fevralın 12-dən etibarən “Posttravmatik stres pozuntusunun müalicəsində effektiv terapiya metodları” mövzusunda təlimlərə başlanılıb.

Təlimlərin bir ay müddətində keçirilməsi nəzərdə tutulub.

---

Məlumat oxu.az saytından götürülmüşdür.