Xəstəxanaya yerləşdirilən Rəmişdən xəbər var – VİDEO

Xalq artisti Rafiq Hüseynovun (Rəmiş) səhhətində yaxşıya doğru irəlləyiş var.

Bu haqda AzTV-yə danışan həyat yoldaşı Güllü Hüseynova musiqiçinin vəziyyətinin yaxşılaşdığını bildirib. O deyib ki, Rəmişi vaxtında xəstəxanaya yerləşdiriblər:

“Həkimlər, tibb bacıları ona çox yaxşı baxırlar. Rəmiş nəfəs alır, yenidən həyata göz açıb. Arzum budur ki, Rəmiş ayağa dursun, öz ayaqları üstündə evə getsin”.

Qeyd edək ki, Rəmiş yanvarın 28-də Birinci vitse-prezident Mehriban Əliyevanın göstərişi ilə xəstəxanaya yerləşdirilib.

O, sirroz, tənəffüs çatışmazlığı, qaraciyər çatışmazlığı, ağciyər problemindən əziyyət çəkir.

---

Məlumat oxu.az saytından götürülmüşdür.