Küçədə görmə məhdudiyyətli insanların hərəkətində çətinlik yaradan məqamla bağlı – AÇIQLAMA
![](https://turanmedia.az/wp-content/uploads/2021/04/kucede-gorme-mehdudiyyetli-insanlarin-hereketinde-cetinlik-yaradan-meqamla-bagli-aciqlama-20210427121403.jpg)
Hənifə Ələsgərov və Mərdanov qardaşları küçələrinin kəsişməsində aparılan təmir işləri düzgün icra edilməyib.
Bu barədə görüntülər sosial şəbəkələrdə yayılıb.
Bildirilib ki, küçələrinin kəsişməsində görmə məhdudiyyətli insanlar üçün səkiyə döşənən taktil plitələrin istiqaməti kanalizasiya qapaqlarına görə dəyişib. Eyni zamanda, məhəccərlər piyada zolağının qarşısını bir qədər kəsib.
Məsələ barədə Bakı Nəqliyyat Agentliyi (BNA) ilə əlaqə saxladıq.
BNA-nın mətbuat xidmətinin rəhbəri Mais Ağayev Oxu.Az-a açıqlamasında bildirib ki, qurum səkilərdə iş aparılan zaman kommunikasiya quyuları ilə bağlı bənzər problemlərlə rastlaşır:
“Qeyd edim ki, maksimum dərəcədə çalışırıq ki, ərazidən keçən xəttin aid olduğu qurum tərəfindən köçürülməsinə nail olaq. Bir çox yerlərdə bu mümkün olub. Quyular nisbətən aşağı salınıb və ya yerləri dəyişdirilib. Amma bəzi yerlərdə vəziyyət bir qədər fərqli olur.
Yəni təhlillər aparılır, əgər həmin xəttin dəyişdirilməsi böyük maliyyə və vaxt tələb edirsə, bu halda layihədə dəyişiklik edilir. Bu zaman əsas diqqət piyadaların və xüsusən görmə məhdudiyyəti olan piyadaların hərəkətinin çətinləşdirilməməsinə yonəldilir”.
Məlumat oxu.az saytından götürülmüşdür.