Prezidentin köməkçisindən idman zalları ilə bağlı XƏBƏRDARLIQ
“Yoluxma risklərinin azaldılması məqsədi ilə açılacaq idman sağlamlıq obyektlərindəki çalışan işçilərinin immunitet sertifikatı və koronavirus (COVID) pasportunun tələb olunması nəzərdə tutulur”.
Oxu.Az-ın məlumatına görə, bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında operativ qərargahın brifinqində bildirib.
Onun sözlərinə görə, bu tələb iyulun 1-dən tətbiq olunacaq:
“Açılacaq obyektlərdə 80 faiz işçilərin immunitet sertifikatı və COVID pasportu yoxdursa, xəbərdarlıq ediləcək, hətta o zallar bağlana bilər”.
O əlavə edib ki, Azərbaycanda koronavirusla bağlı yumşalmalar bugünki sabit vəziyyətin nəticəsidir:
“Bu o demək deyil ki, pandemiya bitib. Rəqəmlər atmağa başlasa, müvafiq məhdudiyyətlərin tətbiq olunmasına məcbur olacağıq”.
İlhamə Əbülfət
Məlumat oxu.az saytından götürülmüşdür.