Bakıda bəzi məktəblər distant tədrisə keçdi – SİYAHI

“Formula 1” Azərbaycan Qran Prisi ilə əlaqədar olaraq Bakının bəzi məktəblərində dərslər distant formada keçirilir.

Oxu.Az-ın məlumatına görə, yarışlarla əlaqədar bir sıra istiqamətlərdə hərəkət məhdudlaşdırılıb.

Həmin yarışların hərəkət sxeminə aid olan və Bakı şəhərinin mərkəzi ərazisində yerləşən T.İsmayılov adına 6 nömrəli məktəb-lisey, 132-134 nömrəli təhsil kompleksi və 23 nömrəli tam orta məktəbində bu gündən dərslər distant təhsilə keçib.

Distant tədris iyunun 8-dək davam edəcək.

İlhamə Əbülfət

 

---

Məlumat oxu.az saytından götürülmüşdür.