Ağstafada 4 tona yaxın narkotik tərkibli bitki məhv edilib – FOTO

Ağstafa Rayon Polis Şöbəsinin əməkdaşları tərəfindən keçirilən “Xaş-xaş-2021” şərti adlı kompleks əməliyyat-axtarış və profilaktik tədbirlər nəticəsində rayonun Həzi Aslanov qəsəbəsi ərazisində yabanı halda bitən narkotik tərkibli çətənə kolları aşkar edilib.

Daxili İşlər Nazirliyinin mətbuat xidmətinin Gəncə regional qrupundan verilən məlumata görə, ümumi çəkisi 3 950 kiloqram olan, 14 240 ədəd çətənə kolları kökündən çıxarılıb və yandırılaraq məhv edilib.

---

Məlumat oxu.az saytından götürülmüşdür.