Türkiyəni tələyə salacaqlar, bu qanun rədd edilməlidir

“Mürəkkəb sarsıntılara beynəlxalq reaksiyanın gücləndirilməsi, fövqəladə vəziyyət platforması” layihəsi ilə bir çox ölkəni, o cümlədən Türkiyəni tələyə salacaq.

Turanmedia.az axar.az-a istinadən xəbər verir ki, bu iddia ilə türkiyəli köşə yazarı Murad Akan çıxış edib.

“Ümumdünya Səhiyyə Təşkilatının təcili olaraq qəbul etməyə çalışdığı qanun layihəsi çox gündəmə gətirilmir. Bu qanunla bağlı yeni proseslər var.

Məlum olduğu kimi, koronavirusdan rıçaq kimi istifadə edilərək yeni tətbiqlərin istifadəsinə çalışılır. Qlobalistlər rəqəmsal izləmə sistemini gündəmə gətirmək istəyirlər. Bunun arxasında Bill Qeyts və bəzi adlar dayanır.

Bu layihənin məqsədi milli dövlətlərin əlində olan gücü qlobal institutlarla əlaqələndirməyə çalışmaqdır. Artıq hamı bilir ki, bu qanun “Bill Qeyts qanunu”dur.

Milli dövlətlərin suverenliyi əlindən alınacaq və mümkün qədər tez qlobal institutlara bağlanacaq. Bu layihə ilə səhiyyə nazirlikləri sıradan çıxacaq. Dövlət idarəçiləri ayıq-sayıq olmalıdırlar.

Belə qanunlar ölkələrin parlamentlərində müzakirə olunaraq qəbul edilir. Amma ÜST və BMT bu qanunu parlamentə təqdim etmədən, hiyləgərcəsinə milli dövlətlərin razılığını alır.

Bu məqsədlə davamlı olaraq yeni viruslar, quş qripi, heyvan xəstəlikləri barədə xəbərlər hazırlayırlar.

Professorlar Özləm Türeci və Uğur Şahin bu məqsədlə Almaniyadan ayrılaraq İngiltərəyə gediblər. İngiltərədə bir araşdırma və bir məqsəd var.

Ölkəmizin səlahiyyətli orqanlarına müraciət edirəm: Bu qanun təsdiqlənməməlidir. Bu, bizim suverenliyimizi qlobal dəstəyə təslim etməkdir. Onlar bu qanunun 2024-cü ilə qədər imzalanmasını istəyirlər. Bu qanun qəbul edilməməlidir”, – Akan qeyd edib.