Putin: Rusiya üçün düşmən xalq yoxdur

Rusiyaya qarşı yenidən müharibə başlayıb, lakin biz beynəlxalq terrorizmi dəf edib, Donbas sakinlərini qoruyacaq və öz təhlükəsizliyimizi təmin edəcəyik.

Turanmedia.az Tns.az-a istinadən xəbər verir ki, bunu Rusiya Prezidenti Vladimir Putin Qırmızı meydanda Qələbə Paradının açılışında deyib.

“Rusiya üçün nə Qərbdə, nə də Şərqdə qeyri-dost və düşmən xalq var. Bu gün sivilizasiya yenidən dönüş nöqtəsindədir. Vətənimizin təhlükəsizliyi xüsusi hərbi əməliyyatda iştirak edənlərdən asılıdır, indi bundan vacib bir şey yoxdur”, – o bildirib.

Putin qeyd edib ki, Kiyev dövlət çevrilişinin girovuna və Qərbin əlində sövdələşmə obyektinə çevrilib:

“Hədsiz ambisiyalar, təkəbbür və yolverilməzlik istər-istəməz faciələrə çevrilir. Ukrayna xalqının indi yaşadığı fəlakətin səbəbi budur. Onlar dövlət çevrilişinin və onun əsasında formalaşmış Qərb ağalarının cinayətkar rejiminin girovuna çevriliblər. Kiyev onların qəddar eqoist planlarının həyata keçirilməsində sövdələşmə predmetidir.

Qərbdə abidələr dağıdılır, nasizm kultu yaradılır, bu qəzəb Rusiyaya qarşı yeni kampaniya hazırlayanların cinayətidir. Bir sıra ölkələr istənilən suveren inkişaf mərkəzlərini boğmaq, İkinci Dünya müharibəsinin nəticələrinin üstündən xətt çəkmək, nəhayət, qlobal təhlükəsizlik və beynəlxalq hüquq sistemini “sındırmaq” istəyir. Planetdəki insanların böyük əksəriyyəti kimi biz də dinc, azad və sabit gələcək görmək istəyirik”.