ABŞ-da ticarət mərkəzində silahlı insidentdə iştirak edən yeniyetmə tutuldu – VİDEO

ABŞ-da polislər ticarət mərkəzində baş vermiş silahlı insidentin iştirakçılarından biri olmuş 15 yaşlı yeniyetməni saxlayıb.

Qeyd edək ki, polislər dünən Viskonsi ştatında yerləşən ticarət mərkəzlərinin birində baş verən atışma nəticəsində səkkiz nəfərin yaralandığını bildirmişdi.

Hadisəni törədən şəxslər isə gizlənməyi bacarmışdılar.

“FOX 6 Now” telekanalı hüquq-mühafizə orqanlarına istinadən xəbər verir ki, “Mayfair Mall” ticarət mərkəzində silahlı insidentdə iştirak edən Latın Amerikası mənşəli 15 yaşlı oğlan saxlanılıb.

Saxlanılan vaxt onun üzərindən ticarət mərkəzində atışmada istifadə olunan silah tapılıb.

Hüquq-mühafizə orqanlarından bildirilib ki, silahlı qarşıdurma iki qruplaşma arasında baş verib və xəsarət alan şəxslər hadisə vaxtı oradan keçən insanlar olub.

---

Məlumat oxu.az saytından götürülmüşdür.