Vahit Ələkbərov Arktikada neft hasilatını qeyri-effektiv sayır

Vahit Ələkbərov hesab edir ki, Arktikada neft hasilatı rentabelli deyil.

TASS xəbər verir ki, “Lukoil” şirkətinin rəhbəri bu fikirləri investorlarla telekonfrans zamanı səsləndirib.

“Rusiyada neft hasilatı istənilən iqlim şəraitində əlverişlidir. Yalnız Arktika şelfi burada istisna sayıla bilər”, – deyə V.Ələkbərov bildirib.

O, həmçinin qeyd edib ki, müxtəlif tələbat ssenariləri üzrə neftin balanslaşdırılmış qiyməti kifayət qədər dar diapazonda – 40-50 dollar/barel arasında olacaq.

---

Məlumat oxu.az saytından götürülmüşdür.