Rusiya Arktikada hərbi bazasını gücləndirir? – FOTO

Rusiya Federasiyasının Arktikada hərbi bazalarını gücləndirməsi, o cümlədən sualtı pilotsuz nüvə aparatı “Poseydon”nu yerləşdirməsi iddia edilib.

CNN xəbər verir ki, mütəxəssislər ABŞ-ın “Maxar Technologies” şirkətinin peyk görüntülərini araşdırdıqdan sonra belə qənaətə gəliblər.

“Rusiya şimal sahil xəttini təmin etmək və Asiyadan Avropaya açar nəqliyyat yolu açmaq üçün Arktikada görünməmiş hərbi güc toplayır və son silahlarını iqlim dəyişikliyi səbəbiylə bu yaxınlarda buzsuz bir bölgədə sınaqdan keçirir”, – deyə bildirilir.

Məlumata görə, mütəxəssislər Rusiyanın “trilistnik” adlandırılan Arktika hərbi bazalarını fəal şəkildə inkişaf etdirdiyi qənaətinə gəliblər.

“Moskva eyni zamanda sahil raket sistemləri və zenit raket sistemləri şəbəkəsini genişləndirir və bununla da Arktikanın əsas hissələrindəki ərazilərin qarşısını almaq və bloklamaq imkanlarını artırır”, – deyə qeyd edilir.

Bundan əvvəl Pentaqon sözçüsü Con Kirbi ABŞ-ın Rusiyanın Arktikadakı fəaliyyətini izlədiyini və bölgədəki milli maraqlarını müdafiə edəcəyini açıqlamışdı.

---

Məlumat oxu.az saytından götürülmüşdür.