Suriyada prezident seçkilərinin tarixi açıqlanıb
198 Baxış
![](https://turanmedia.az/wp-content/uploads/2021/04/suriyada-prezident-seckilerinin-tarixi-aciqlanib-20210418113803.jpg)
Suriya parlamenti prezident seçkilərinin tarixi barədə qərar qəbul edib.
“RİA Novosti”nın məlumatına görə, dövlət başçısı seçkiləri mayın 26-da keçiriləcək. Suriyanın xarici ölkələrdəki diplomatik nümayəndəliklərində isə səsvermə mayın 20-də baş tutacaq.
Qərara əsasən, prezidentliyə namizədlərin qeydiyyatı aprelin 19-da başlayacaq və on gün ərzində davam edəcək.
Qeyd edək ki, Suriyanın hazırki prezidenti Bəşər Əsəd 2014-cü ildə bu vəzifəyə seçilib. 2012-ci ildə ölkə konstitusiyasına edilən dəyişiklikdən sonra onun yeddi il müddətinə iki dəfə ardıcıl dövlət başçısı seçilmək hüququ var.
Məlumat oxu.az saytından götürülmüşdür.