Sünnətdən sonra uşağın ürəyi 10 dəqiqə dayandı

Rusiyada klinikaların birində iki yaşlı uşaq sünnət edildikdən sonra ölüm təhlükəsi ilə üzləşib.

“Fontanka”nın məlumatına görə, hadisə Sankt-Peterburqda yaşanıb.

Məlumata görə, prosedur bitdikdən sonra uşaqda qıcolma başlayıb, ardınca isə ürəyi 10 dəqiqə müddətinə dayanıb.

Balaca xəstə təcili yardımla son dərəcə ağır vəziyyətdə Sankt-Peterburq Pediatriya Universitetinə aparılaraq reanimasiyaya yerləşdirilib. Həkimlər onu xilas edə biliblər.

Hadisə ilə əlaqədar “peşə vəzifəsini lazımınca yerinə yetirməməsi səbəbindən səhlənkarlıqla sağlamlığa ağır zərər vurma” maddəsi ilə cinayət işi başlanıb.

---

Məlumat oxu.az saytından götürülmüşdür.