KTMT ölkələri Ermənistanda “Qrom” xüsusi təlimlərini keçirəcək

“Qrom-2021” xüsusi təlimləri bu il Ermənistan ərazisində keçiriləcək.

“İnterfaks”ın məlumatına görə, bu barədə KTMT-nin sözçüsü Vladimir Zaynetdinov bildirib.

“Ermənistan Respublikası ərazisində keçirilməsi planlaşdırılan təlimlər zamanı zirehli texnika, xüsusi avtonəqliyyat, aviasiya, PUA və xidmət-axtarış itlərinin istifadəsi ilə iki mərhələdə praktik tədbirlər keçiriləcək”, – deyə Zaynetdinov əlavə edib.

Qeyd edək ki, KTMT tərəfindən həyata keçirilən “Qrom” təlimləri narkotik ticarəti ilə mübarizəyə həsr olunub.

---

Məlumat oxu.az saytından götürülmüşdür.