Türkiyədə COVID peyvəndinin 3-cu dozası vurulacaq

Türkiyədə koronavirus üzrə operativ qərargahın növbəti iclası keçirilib.

İclasdan sonra ölkənin səhiyyə naziri Fəxrəddin Qoca mətbuata açıqlamalarla çıxış edib.

“TRT Haber”in məlumatına görə, nazir sabahdan etibarən Türkiyədə peyvəndin 3-cü dozasının vurulmasına başlanılacağını bəyan edib.

Onun sözlərinə görə, iki doza vaksin almış yaşı 50-dən yuxarı olan şəxslər və tibb işçiləri 3-cü doza üçün qəbula yazıla bilərlər.

F.Qoca qeyd edib ki, 3-cü doza peyvəndin seçimi sərbəstdir və əvvəlki iki doza vaksinin hansı marka olmasının heç bir fərqi yoxdur.

---

Məlumat oxu.az saytından götürülmüşdür.