BMT-nin baş katibi: Koronavirus peyvəndləri virus mutasiyalarına görə təsirini itirə bilər

Koronavirusa qarşı peyvəndlər mutasiyaya görə təsirsiz hala gələ bilər.

TASS-ın məlumatına görə, bu barədə BMT-nin baş katibi Antonio Quterres açıqlama verib.

“Virus alov kimi yayılır. Ən faciəlisi isə meydana gələn mutasiyaların peyvəndlərimizi təsirsiz hala çevirməsi riskinin olmasıdır”, – deyə Quterres bildirib.

O, bu səbəbdən qlobal peyvənd planına ehtiyac olduğunu təkrar-təkrar vurğuladığını bildirib.

“Mikroskopik virus artıq dörd milyona yaxın insanın ölümünə səbəb olub və dünya iqtisadiyyatını pozub. Biz isə hələ də virus qalib gələcəyimizi dəqiq bilmirik”.

---

Məlumat oxu.az saytından götürülmüşdür.