Çeçenistanda koronavirusa qarşı kollektiv immunitet formalaşıb

Çeçenistanda yaşı 18-dən yuxarı olan əhalinin hamısı vaksinasiyadan keçib.

Bu barədə mətbuata açıqlamasında respublikanın səhiyyə naziri Elxan Süleymanov bildirib.

O, Çeçenistanın Rusiya Federasiyasının subyektləri arasında vaksinasiyanı başa vuran ilk region olduğunu da vurğulayıb.

Nazirin sözlərinə görə, bugünədək 910 min əhalisi olan respublikada yetkinlik yaşına çatmış 568 min nəfərə iki doza peyvənd vurulub. Bununla da Çeçenistan əhalisi arasında COVID-19-a qarşı kollektiv immunitet formalaşdırılıb.

---

Məlumat oxu.az saytından götürülmüşdür.