Avropada təbii qazın qiymətində yeni rekord qeydə alınıb

Avropada mavi yanacağın qiyməti artmaqda davam edir.

“İnterfaks Ukrayna” məlumat verir ki, sentyabr fyuçerslərinin dəyəri artıq hər min kubmetrə görə 510 dollara çatıb ki, bu da 2018-ci ilin mart ayından bəri qeydə alınan ən yüksək qiymətdir.

Qeyd edək ki, dünən Asiya birjalarında da təbii qazın sentyabr ayı üçün olan qiyməti xeyli artaraq 539 dollaradək yüksəlib. 2022-ci ilin fevral fyuçersləri isə 594 dollar/1000 kubmetr təşkil edib.

Analitiklər Avropa ticarət meydançalarındakı qiymət artımını Asiya trendinin davamı olaraq dəyərləndirirlər.

---

Məlumat oxu.az saytından götürülmüşdür.