Səlçuk Bayraktardan Türkiyədəki meşə yanğınlarına dair AÇIQLAMA

Türkiyənin “Baykar” şirkətinin texniki direktoru Səlçuk Bayraktar Cümhuriyyət Xalq Partiyasından (CHP) millət vəkili Ulaş Karasunun ittihamına münasibət bildirib.

Xatırladaq ki, CHP-nin Türkiyə parlamentindəki üzvü ölkədəki meşə yanğınlarına münasibət bildirərkən “Yanğınlar zamanı İHA-lar (pilotsuz uçuş aparatları – red.) harada idi?” fikrini ifadə edib.

Səlçuk Bayraktar isə şəxsi “Twitter” səhifəsində parlamentarinin ittihamına cavab verib.

O qeyd edib ki, bəziləri yandırmağın dərdində olarkən digərləri ölkəni yanğından qorumağa çalışır.

“Hal-hazırda altı “BayraktarTB2” PUA-mız komandamızın üzvləri ilə birgə 7/24 xidmətdədir. 2020-ci ildə 345, son 60 gündə isə 86 yanğın hələ ilkin alışma mərhələsində müəyyən edilib. Biz meşələri qorumaq üçün var gücümüzlə işləməyə davam edəcəyik. Bəs siz?”, – Səlçuk Bayraktar onların şirkətinin fəaliyyətinə kölgə salmağa çalışan deputata cavabında vurğulayıb.

Birileri yakmanın, biz korumanın derdindeyiz…

Şu anda 6 #BayraktarTB2, ekibimizle birlikte 7/24 görevinin başında.

2020’de 345, son 60 günde ise 86 yangını henüz başlangıç aşamasında tespit etti.

Biz ormanları korumak için var gücümüzle çalışmaya devam edeceğiz. Ya siz? https://t.co/eGD6z62Yy2

— Selçuk Bayraktar (@Selcuk) July 30, 2021

---

Məlumat oxu.az saytından götürülmüşdür.