Ərdoğandan mesaj: Hədəfimiz 75 milyard dollardır!

Türkiyə ilə Afrika ölkələri arasında əlaqələr 16 il ərzində geniş şəkildə inkişaf edib.

Turanmedia.az axar.az-a istinadən xəbər verir ki, bunu Türkiyə Prezidenti Rəcəb Tayyib Ərdoğan Türkiyə-Afrika Tərəfdaşlıq Zirvəsində çıxışı zamanı deyib.

O bildirib ki, Türkiyənin Afrika qitəsi ilə 5,4 milyard dollarlıq ixrac həcmi bu gün 23 milyard dolları keçib:

“Bu ilin 11 ayına görə qitə ilə ticarət əlaqəsi 30 milyard dollara çatıb. Bundan başqa, cari ilin 1 yanvarında qüvvəyə minən anlaşmanı da yaxından izləyirik. Afrika qitəsi ilə ikitərəfli ticarət əlaqələrimizi əvvəlcə 50 milyard dollara, daha sonra isə 75 milyard dollara çatdıracağımıza inanıram”. //Turanmedia.az