Uçan motosiklet istifadəyə verilib
BƏƏ-nin paytaxtı Əbu-Dabidə yeni hoverbeyk-futuristik uçan motosiklet artıq istifadəyə verilib.
Turanmedia.az olke.az-a istinadən xəbər verir ki, uçan motosiklet ölkələrarası axtarış və xilasetmə əməliyyatlarında insanların həyatını xilas etmək üçün nəzərdə tutulub.
Motosiklet Yaponiya istehsalıdır. O, yerdən 20 metr hündürlüyə qalxa və 80 km/saatla hərəkət edə bilir. Dörd yan ventilyator uçuş zamanı avtomobili idarə edir.
Hoverbeyk aviasiya və kosmik sənayedə istifadə olunan yüksək güclü karbon lifindən hazırlanıb. Onun çəkisi 300 kq-dır və yanacaq doldurulması tələb olunmazdan əvvəl maksimum 40 dəqiqəyə qədər sürətlə uça bilir.
Qeyri-adi nəqliyyatdan neft və qaz sənayesində, ucqar ərazilərə təcili yardımın çatdırılması və hətta tikinti sektorunun dəstəklənməsi üçün də istifadə oluna bilər.