Vaksinasiyaya görə valideynlərini məhkəməyə vermək qərarına gəldi

Florensiyadan olan yeniyetmə valideynləri koronavirus əleyhinə peyvənd vurdurmağa qoymadığı üçün vəkillərə müraciət edib.

Bu barədə “RİA Novosti” Toskana Ailə Hüquqşünasları Birliyinə istinadla xəbər verib.

Məktəbli valideynlərinin peyvəndləri iyrənc adlandıraraq təhlükəli hesab etdiyini və ona  vaksinasiya üçün yazılı icazə vermədiyini bildirib.

Ancaq məktəbli həm də birbaşa vəkil seçə bilməz. Bu səbəbdən sosial xidmətlər və məktəb Təhsil Nazirliyi vasitəsi ilə vəkillərə müraciət edib.

Vəkil müraciətin hələ ki, məhkəməyə çatmadığını və valideynlərin fikirlərini dəyişmələri üçün onlarla danışmağa çalışacağını deyib.

---

Məlumat oxu.az saytından götürülmüşdür.