Müəlliflərə əsərlərdən istifadəyə görə verilən qonorarın məbləği bilinib
![](https://turanmedia.az/wp-content/uploads/2022/03/017-730x487.jpg)
Turanmedia.az Apa-ya istinadən xəbər verir ki, bu, Azərbaycan Respublikası Əqli Mülkiyyət Agentliyinin 2021-ci ilin yekunları üzrə görülmüş işlər barədə hesabatında əksini tapıb.
“2021-ci ildə müəlliflərin əmlak hüquqlarının idarəçiliyini təmin etmək nəticəsində (teatr-tamaşa təşkilatlarında əsərlərdən istifadəyə görə) 19275.24 manat müəllif qonorarı yığılıb və təyinatı üzrə bölgüsü aparılıb. Bunlardan Azərbaycan müəlliflərinə 13389.78 manat, xarici müəlliflərə 2488.60 manat, Dövlət varidatı olan əsərlərə görə 1078.83 manat, gəlir vergisi 1934.02 manat, bank xidməti 384.01 manat təşkil edir. Agentliyin hesabına daxil olmuş 22256.00 manat müəllif qonorarından köçürmə yolu ilə 11179.43 manat Azərbaycan müəlliflərinə, 751.05 manat xarici müəlliflərə ödənilib, qonorardan tutulmuş 2126.66 manat gəlir vergisi dövlət büdcəsinə, 338.51 manat bank xidməti üçün köçürülüb. Qonorar hesablanmış 394 nəfər müəllifə çatacaq qonorar məbləğlərinin visa elektron kartları vasitəsi ilə ödənilməsi təmin edilib”, – hesabatda qeyd olunub. //Turanmedia.az