ABŞ kəşfiyyatı Rusiyanın müharibə ilə bağlı yeni planını açıqlayıb

Sanksiyalara baxmayaraq, Rusiyanın müharibəni ən azı bir il daha davam etdirmək üçün kifayət qədər pulu var.

Turanmedia.az Tns-ə istinadən xəbər verir ki, bu barədə “The Washington Post” Amerika kəşfiyyatının məxfilik daşımayan hesabatına istinadən yazıb.

Mart ayının kəşfiyyat hesabatına görə, Rusiya iqtisadi elitasının bəzi üzvləri Kremlin Ukrayna siyasəti ilə razılaşmasa və sanksiyalar onların bizneslərinə zərər vursa da, çətin ki, Vladimir Putini dəstəkləməkdən geri çəkilsinlər.

Sənəddə deyilir ki, Rusiya hakimiyyəti sanksiyaların təsirini yumşaltmaq üçün daha ​​yüksək korporativ vergilərə, Milli Sərvət Fondunun vəsaitlərinə, idxalın artmasına ümid edir.

“The Washington Post” öz növbəsində qeyd edir ki, kəşfiyyat hesabatında son məhdudlaşdırıcı tədbirlərin effektivliyi, habelə Rusiya neftinin qiymətinə məhdudiyyət tətbiqinin uzunmüddətli nəticələri qiymətləndirilmir.