Abramyan: “Azərbaycan hərbçiləri Xankəndiyə gedən yolda…”

Azərbaycanlı ekoloqların Laçın yolunun Şuşadan keçən hissəsində keçirilən aksiyası dayandırılıb. Amma Azərbaycan hərbçiləri həmin yerdə xidmət edir.

Turanmedia.az Tns-ə istinadən xəbər verir ki, bunu Ermənistan parlamentinin deputatı Tiqran Abramyan deyib.

Onun sözlərinə görə, ekoloqların yerində Azərbaycan hərbçiləri dayanıb:

“Faktiki olaraq, Azərbaycan hazırda Laçın yolunun iki hissəsində: Həkəri çayı körpüsündə – yolun başlanğıcında və Şuşaya bitişik ərazidə (Xankəndinə gedən yolda) keçid postları qurub”.

Abramyan Rusiya sülhməramlılarının Ermənistan ərazisindən Qarabağa daşıdıqları yüklərə Azərbaycan sərhədçiləri tərəfindən ciddi nəzarətin həyata keçirildiyini söyləyib.(teleqraf.com)