İran-Rusiya bağları: Azərbaycan və Ukrayna məsələsində baxışları

Rusiya Federasiyası və İranı qonşu ölkələrə – Ukrayna və Azərbaycana qarşı imperiya münasibəti bağlayır.

Turanmedia.az olke.az-a istinadən xəbər verir ki, bu barədə EUReporter məqaləsində deyilir.

Nəşr yazır ki, bu 2 ölkəni “təkcə anti-Amerika və anti-Qərb baxışları deyil, həm də qonşularına qarşı şovinist münasibət bağlayır. Rusiya Ukrayna xalqının varlığını inkar etdiyi kimi İran da Azərbaycan xalqının varlığını inkar edir”.

İran və Rusiya Azərbaycan və Ukraynanı tarixi, mədəni və dini faktorlara görə müvafiq olaraq öz təsir dairələrinə aid edirlər.

Rusiya Ukraynadakı agentlərinə sızdığı kimi, İran da Azərbaycanda təxribatçı fəaliyyətlər həyata keçirir. Azərbaycan xüsusi xidmət orqanları İran casuslarından və iranpərəst təbliğatçılardan ibarət qrupları həbs edir.