Mixail Xodaryonok: “Azərbaycanın parad keçirməyə haqqı çatırdı” – VİDEO

Azərbaycanın 44 günlük vətən müharibəsində qalibiyyəti hələ də müzakirələrə səbəb olur. 

Baku TV xəbər verir ki, bir sıra politoloqlar, hərbi ekspertlər və eləcə də müxtəlif xarici medialar Bakıda keçirilən Zəfər paradından danışır. Kimi bunu həzm etmir, kimi isə qələbəni qəbul edib, haqq qazandırır. 

“Solovyov Live” verilişində Zəfər Paradından danışan rusiyalı jurnalist və hərbi müşahidəçi Mixail Xodaryonok deyib ki, Azərbaycanın Zəfər Paradını keçirməyə haqqı çatırdı. 

“Amma dekabrın 10-da keçirilən parad silahlı münaqişədə, 44 günlük müharibədə Azərbaycanın qalibiyyətinə həsr olundu. Azərbaycanın suveren dövlət olaraq belə parad keçirməyə tam haqqı çatır. Paradın prosedur olaraq necə keçirildiyinə gəldikdə isə bilirik ki, ermənilərin təzə və sıradan çıxmış texnikaları nümayış olundu və sairə… Amma hər hansısa bir ölkə bu cür parad keçirməyib. Düzdü, burada xırda məqamlar qeyd etmək, müxtəlif fikirlər söyləmək, fərqli qiymət vermək, nəyi necə edib-etməmək barədə müzakirə aparmaq olar. Lakin faktları danmaq olmaz. Azərbaycanın silahlı qüvvələri bu müharibədə qalib gəldi. Onlar Zəfəri daddılar”.

---

Məlumat oxu.az saytından götürülmüşdür.