“Azərbaycanın Ukraynaya hərbi yardım göstərməsi xəbəri yalandır”

“Azərbaycanın Ukraynaya hərbi təyinatlı yardım göstərməsi ilə bağlı tirajlanan xəbər təmamilə yalandır”.

Turanmedia.az olke.az-a istinadən xəbər verir ki, bu barədə Medianın İnkişafı Agentliyinin yaydığı açıqlamada qeyd olunub.

Bildirilib ki, Azərbaycan top mərmisi istehsal etmir və bu iddia sadəcə cəfəngiyyatdır.

“Azərbaycan humanizm prinsiplərini əsas götürərək Ukraynaya yalnız humanitar dəstək göstərir. Ukrayna bayrağı ilə jurnalist olduğu deyilən şəxsin çəkildiyi şəkilin Azərbaycanla heç bir əlaqəsi yoxdur.

Medianın İnkişafı Agentliyi olaraq yerli və xarici sosial media istifadəçilərini bu kimi cəfəng xəbərlərə ehtiyat və həssaslıqla yanaşmağa çağırırıq”,- məlumatda qeyd olunub.