Polis Qaxda yoxlamalara başladı – FOTO

Sərtləşdirilmiş karantin rejiminin qaydalarına riayət edilməsi məqsədilə Qax Rayon Polis Şöbəsinin əməkdaşları tərəfindən rayon ərazisində nəzarət-profilaktik tədbirlər davam etdirilir.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, polis əməkdaşları tərəfindən ərzaq satışı ilə məşğul olan mağazalarda, apteklərdə, ATM-lərin qarşısında, eləcə də, açıq ictimai məkanlarda reydlər keçirilir.

Karantin rejiminin tələbləri vətəndaşların diqqətinə çatdırılır və koronavirus infeksiyasının yayılmasının qarşısının alınması məqsədilə bu qaydalara riayət etmələrinin vacibliyi vurğulanır.

Karantin rejimi qaydalarını pozan, tibbi maskadan istifadə etməyən  və yaxud tələb olunan normalara uyğun şəkildə taxmayan şəxslər aşkarlandıqda qanunvericiliyə uyğun olaraq, onlar inzibati məsuliyyətə cəlb olunurlar.

---

Məlumat oxu.az saytından götürülmüşdür.