Bakıda iki avtomobil toqquşdu: Bir nəfər xəstəxanalıq oldu

Bakıda bir nəfərin xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, hadisə paytaxtın Binəqədi rayonunda qeydə alınıb.

Belə ki, Ziya Bünyadov prospektində hərəkətdə olan iki avtomobilin toqquşması nəticəsində 1987-ci il təvəllüdlü, Hüseynov Xətai Xəqani oğlu ağır bədən xəsarətləri alıb.

Yaralı təcili yardımın köməkliyi ilə xəstəxanaya çatdırılıb.

Müayinə zamanı ona bədənin müştərək travması və açıq kəllə-beyin travması diaqnozları qoyulub.

Faktla bağlı araşdırma aparılır.

---

Məlumat oxu.az saytından götürülmüşdür.