Bakıətrafı kənd və qəsəbələrə marşrut xətti açılır – YENİLİK

10.07.2021 113 Baxış

Dövlət başçısının Bakıətrafı kənd və qəsəbələr üzrə sərnişindaşımaların yaxşılaşdırılmasına dair tapşırıqlarına əsasən, 177 nömrəli yeni qəsəbələrarası müntəzəm marşrut xətti təşkil edilib.

Bu barədə Oxu.Az-a Bakı Nəqliyyat Agentliyindən (BNA) məlumat verilib.

Yeni marşrut xətti “Pirşağı” dəmiryol stansiyasını Kürdəxanı qəsəbəsi, “Ləhic bağları” və Nardaran qəsəbəsindən keçməklə Maştağa qəsəbəsini əlaqələndirəcək.

Yeni xəttin təşkili sayəsində Nardaran qəsəbəsi, “Ləhic bağları” adlanan ərazidə məskunlaşan əhali müntəzəm marşrutla təmin ediləcək. Bununla da sakinlərin marşrut xətti boyunca yerləşən təhsil müəsisələrinə, iaşə obyektlərinə, habelə yay mövsümü ərzində bağlara, çimərliklərə, istirahət mərkəzlərinə rahat gediş-gəlişi mümkün olacaq.

Yeni xətt üzrə avtobuslar iyulun 12-dən fəaliyyət göstərəcək.

Məlumat oxu.az saytından götürülmüşdür.

Dostlarınla paylaş