Nazir müavini: “Azərbaycan yanğınsöndürənləri Marmarisdə 3 istiqamətdə yanğını söndürür”
106 Baxış
“Bu gün səhər saatlarında Türkiyə Kənd Təsərrüfatı və Meşə Nazirliyinin idarəetmə mərkəzindən Azərbaycan Fövqəladə Hallar Nazirliyinin əməkdaşları 3 istiqamətə – Marmaris şəhərinin Kavaklı, İlanlı və Çayhisar ərazilərinə yönləndiriliblər”.
“Report”un Türkiyəyə ezam olunmuş əməkdaşının verdiyi məlumata görə, bunu Azərbaycan fövqəladə hallar nazirinin müavini, general-leytenant Etibar Mirzəyev jurnalistlərə açıqlamasında deyib.
O bildirib ki, hazırda həmin istiqamətlərdə Azərbaycan Fövqəladə Hallar Nazirliyinin əməkdaşları yanğını söndürürlər:
“Burada yanğınların söndürülməsi işləri görülür. Qeyd edim ki, bu istiqamətdə bizim helikopter də fəaliyyətdədir”.
Məlumat oxu.az saytından götürülmüşdür.