Azərbaycanda 378 riyaziyyat müəlliminə ehtiyac var

“Müəllimlərin işə qəbul imtahanında Sumqayıt, Bakı və Abşeronda 1055 vakant yer müsabiqəyə ayrılıb”. 

Oxu.Az-ın məlumatına görə, bunu təhsil naziri Emin Əmrullayev bildirib.

Onun sözlərinə görə, hər il təxminən 3 min vakant yer təkrarlanır:

“Müəllim sayından asılı olaraq yerlər vakansiyaya çıxarılır. Bu il riyaziyyat fənni üzrə isə 378 vakant yer təqdim olunub”.

Nazir qeyd edib ki, hazırda ölkə üzrə 60-64 yaş aralığında 1 533 müəllim çalışır.

İlhamə Əbülfət

---

Məlumat oxu.az saytından götürülmüşdür.