Dövlətin olanına…

Müğənni Rozanın sahibləndiyi bala, aktyor Corc təbii ki, bu dövlətindir, bəli!

Amma dövlətin adam siyahısı kimləsə dostluğa görə məhdudlaşmamalı. Yaxın oturun, deyim daha kimlər bu dövlətindir…

…hirsindən kitablarını yandıran aşbaz Tahir müəllim də bu dövlətindir.
…Qazi də bu dövlətindir.
…”Tərtər işi” şəhidləri də bu dövlətindir.
…Bütün sahələrdə silinən milli kadrlar da bu dövlətindir.
…Ölkədən baş götürüb gedən insan da bu dövlətindir.
…Od qiymətinə təyyarə bileti almağa məhkum qalanlar da bu dövlətindir.
…Yüzlərlə məhkəmə, məmur ədalətsizliyinə uğrayan vətəndaş da bu dövlətindir.
…Mağazada borc dəftərlərinə adı düşənlər də bu dövlətindir.
…Çörəyi nisyə alan ailələr də bu dövlətindir.
…Cərimələr altında əzilən adamlar da dövlətindir.
…Sərhəddə, gömrükdə zülüm çəkənlər də dövlətindir.
…Bahalıqdan boğulanlar da dövlətindir.

Hələ nə qədər artırmaq olan bu siyahını.

Qısacası isanlar Corca, Rozaya görə yox, dövlət başçısının verdiyi mənzilə görə yox,insanlar, onları görməməyinizdən yana nifrət püskürür sayın dövlət yetkililəri. İnsanlar ədalətsizlikdən usanıb. İnsanlar sevgisizdir, yorğundur. Ona görə bütün uğurlara nifrət edirlər. Hələ üstəlik, onların dırnağı olmayan başlar deyəndə ki, “uğursuzlar bağırır” adamlar ikiqat nifrət püskürür.
Ən vacibi hələ ruhunuz iflic deyilsə insanlar nifətdə də sevgi püskürür. Yəni deyir ki, qoymayın sizin əməliniz, bizim hikkəmiz bu dövləti, ölkəni dağətsın, bizi görün, bizə əl uzadın, kömək edin. Çıxarın Azərbaycanı bu xaosdan. Axı bu dövlətin olanını məhdudlaşdırıb, bəlli katrqoriyaya hər şey üçün izn verib, niyə bu eybəcər mənzərəni yaradırsınız ki? Bundan necə həzz almaq, necə keflə, rahat yaşamaq olar görəsən? Nə bilim, bəlkə də adamlara “çörək yoxdur, pirojna yeyin” demək, əziyyətlə kürsü qazanmyanlara çox asandır, bilmirəm.

Amma iki-üç gündür, Corca da, Tahir bəyə də, elə özümə də yazığım gəlir…

Jalə Mütəllimova