“YouTube” “KamAZ”ın hesabını sildi

“Google”a məxsus “YouTube” videohostinqi Rusiyanın “KamAZ” avtomobil istehsalçısının rəsmi hesabını silib.

Turanmedia.az xəbər verir ki, bu barədə avqustun 24-də KamAZ-ın Telegram kanalında məlumat verilib.

“Təəssüf ki, bizdən asılı olmayan səbəblərə görə, platforma administrasiyası tərəfindən hesabımızı bloklaması ucbatından “YouTube” video hostinqindəki fəaliyyətimizi dayandırmaq məcburiyyətindəyik”, – deyə şirkətdən yayılna məlumatda bildirilib.

Qeyd olunub ki, “YouTube” sözügedən kanalı ixrac məhdudiyyətləri və sanksiyalarla bağlı hostinq qaydalarına uyğun olaraq bərpa imkanı olmadan silib.