Narazılıq: Zelenski Netanyahunun tələbini rədd etdi

Ukrayna Prezidenti Vladimir Zelenski İsrail Baş naziri Benyamin Netanyahunun BMT Baş Assambleyasının Fələstin ərazilərinin işğalı ilə bağlı qətnaməsinin əleyhinə səs vermək tələbini rədd edib.

Turanmedia.az axar.az-a istinadən xəbər verir ki, bu barədə “Axios” nəşri məlumat yayıb.

Nəşrin məlumatına görə, Zelenski İsrailin Ukraynaya silah vermədiyi üçün Netanyahunun bu istəyindən imtina edib.

“Netanyahu ilə söhbətində Zelenski bildirib ki, qətnamənin əleyhinə və ya bitərəf səs vermək müqabilində Ukraynanın silahla, ilk növbədə, raketdən müdafiə sistemləri ilə təmin edilməsi məsələsində İsrailin mövqeyində dəyişiklik görmək istərdi”, – nəşr bildirib.

Qeyd olunub ki, Zelenski Netanyahunun cavabından razı qalmayıb və Ukrayna səfirinə səsvermədə iştirak etməməyi tapşırıb.