Terrorçular 45 nəfəri girov götürüblər

Nigeriyada şəhərlərarası üç avtobusa hücum edən terrorçular 45 nəfəri girov götürüblər.

Turanmedia.az Tns-ə istinadən xəbər verir ki, bu barədə “Nigerian Tribune” hadisə şahidlərinə istinadən məlumat yayıb.

Bildirilib ki, insident ölkənin cənub-şərqindəki Otukpo-Enugu magistral yolunda (Benue ştatı) baş verib.

Ötən həftə Nigeriyanın şimal-şərqində Kaduna-Abuja şosesində təxminən 30 nəfər qaçırılıb. İndiyə qədər onların taleyi barədə məlumat yoxdur.

Son zamanlar Nigeriyada terrorçular fəallaşıb. Onlar mağazaları qarət edir, insanları girov götürürlər.