Warning: Invalid argument supplied for foreach() in /sites/turanmedia.az/wp-includes/script-loader.php on line 2678

BMT baş katibi İran və Pakistana çağırış edib

57 Baxış

BMT-nin baş katibi Antonio Quterreş İran və Pakistanı vəziyyətin daha da gərginləşməsinin qarşısını almaq üçün təmkinli olmağa çağırıb.

Turanmedia.az olke.az-a istinadən xəbər verir ki, bu barədə BMT-nin rəsmi nümayəndəsi Stefan Düjarrikin bəyanatında deyilir.

“Baş katib son vaxtlar İran və Pakistan arasında hər iki tərəfin itkiləri ilə nəticələnən hücum barədə son dərəcə narahatdır. O, hər iki ölkəni daha da gərginliyin qarşısını almaq üçün maksimum təmkinli olmağa çağırır”, – bəyanatda deyilir.

Bildirilib ki, İran və Pakistan arasında təhlükəsizlik məsələsi suverenlik, ərazi bütövlüyü və mehriban qonşuluq münasibətlərinin prinsiplərinə uyğun olaraq sülh, dialoq və əməkdaşlıq yolu ilə həll edilməlidir.

Xatırladaq ki, Pakistan Silahlı Qüvvələri Tehranın analoji hücumundan bir gün sonra İran ərazisinə raket zərbələri endirib. İslamabad bildirib ki, hücumda “anti-Pakistan silahlı qrupları” hədəf alınıb. İran hakimiyyətinin məlumatına görə, Sistan və Bəlucistan əyalətində baş verən partlayışlar nəticəsində 9 nəfər həlak olub.

 


Warning: Invalid argument supplied for foreach() in /sites/turanmedia.az/wp-includes/script-loader.php on line 2678